Wednesday, August 3, 2011

இங்கிலாந்தில் வாலிபருக்கு பிளாஸ்டிக் இருதயம் பொருத்தி டாக்டர்கள் சாதனை.

இங்கிலாந்தில் வாலிபருக்கு பிளாஸ்டிக் இருதயம் பொருத்தி டாக்டர்கள் சாதனை

இங்கிலாந்தை சேர்ந்தவர் மாத்யூ கிரீன் வயது 40. இவர் இருதய நோயினால் மிகவும் அவதிப்பட்டார். உயிருக்கு ஆபத்தான நிலையில் இருந்த அவரை லண்டனில் உள்ள பாப்ஓர்த் என்ற ஆஸ்பத்திரியில் சேர்த்தனர். அவரை டாக்டர் ஸ்டீவன் சூய் தலைமையிலான டாக்டர்கள் பரிசோதனை செய்தனர். அதில் அவரது இருதயம் முழுவதும் பாதிப்பு அடைந்து இருந்தது தெரிய வந்தது.

மேலும், உயிருக்கு ஆபத்தான நிலையில் இருக்கும் அவருக்கு உடனடியாக மாற்று இருதயம் பொருத்த வேண்டிய கட்டாய சூழ்நிலையை உணர்ந்தனர். உடனடியாக அவருக்கு பொருத்தமான மாற்று இருதயம் பெறுவதிலும் சிக்கல் ஏற்பட்டது.

இதை தொடர்ந்து அவருக்கு பிளாஸ்டிக் மாற்று இருதயம் பொருத்தினர். அதற்கான ஆபரேசன் சுமார் 6 மணி நேரம் நடந்தது. ஆபரேசன் வெற்றிகரமாக நடந்ததாகவும், அவர் விரைவில் வீடு திரும்புவார் எனவும் டாக்டர் ஸ்டீவன் சூய் தெரிவித்தார்.

No comments: