ஏக அர்த்த ஹலாசனம்.
செய்முறை:
ஒரு சிலருக்கு ஆரம்பத்தில் ஏக அர்த்த ஹலாசனமே செய்ய இயலாது. அவர்கள் காலை கையால் பிடித்தபடி செய்யலாம். நன்கு பழகிய பிறகு கை பிடிக்காமம் செய்யலாம். முதலில் இடது காலை மூச்சை இழுத்துக் கொண்டே தூங்கவும்.
காலை நேரே நிமிர்த்தவும். பின் மூச்சை வெளியே விட்டு 10 விநாடிகள் இருந்து மூச்சை இழுத்துக் கொண்டே கீழே காலை போடவும். பின் வலது பக்கம் செய்யவும். இது போல் மாற்றி மாற்றி 4 முறைகள் செய்யவும்.
பலன்கள்:
வயிறு, மார்பு, கழுத்து, தொண்டைகள் பலம் பெறும். தொடையில் உள்ள வீண் சதைகள் அகலும். வயிறு சம்பந்தமான நோய்கள் வராது. இதயப் பலவீனம் அகலும்.
பத்ம சுப்த வச்சிராசனம்.
செய்முறை:
மெல்ல வலதுகையை ஊன்றி பின்னர் இடது கையை ஊன்றவும். அப்படியே மல்லாந்து சமமாக முதுகை தரையில் படுமாறு படுத்த பின்னர் இருக்கைகளையும் காது பின்னால் கொண்டு வந்து தலையினை மெல்ல தூக்கி பின்னால் வளைத்தபின் இரு கைகளையும் கீழே கொண்டு போய் கால்களை பிடிக்கவும். மூச்சை நிறுத்தாமல் சாதாரணமாய் சுவாசிக்கவும்.
பலன்கள்:
தொடைகள், கணுக்கால், இடுப்பு நோய்கள் அகலும். ஹெர்னியா, வாயு அண்டம், நீர் அண்டம் முதலிய நோய்கள் அகலும். இதயம் பலப்படும்.
உத்தித பாதாங்குஸ்த ஆசனம்.
செய்முறை:
நேராக நின்ற நிலையில் வலதுகாலை மட்டும் இடுப்பு மட்டத்துக்கு தூக்கி, வலது பெருவிரலை, வலதுகையால் பிடியுங்கள். குனிய கூடாது. அடுத்த படியாக வலதுகாலை முன்னோக்கி நீட்டி , வலது கையால் கட்டைவிரலைப் பிடிக்கவும். சுவாசத்தை இயல்பாக்கிக் கொண்டு, அதே நிலையில் 10 விநாடிகள் இருங்கள். ஆசனத்தை கலைத்த் பிறகு, இடது காலை மாற்றி செய்யவும்.
பயன்கள்:
குழந்தைகளுக்கான ஆசனமிது. குறிப்பிட்ட நோய் என்றில்லாமல் பொதுவான ஆரோக்கியத்துக்கு செய்து பழகலாம்.
